Májiliste «Parlament sózi» syılyǵy tabystaldy
ASTANA.KAZINFORM — Májiliste Buqaralyq aqparat quraldary qyzmetkerleri kúni qarsańynda jýrnalısterge arnalǵan «Parlament sózi» syılyǵynyń qorytyndysy jarııalandy. Saltanatty jıynda Májilis tóraǵasy Erlan Qoshanov jýrnalısterdi kásibı merekemen quttyqtap, jeti nomınatsııa boıynsha úzdik dep tanylǵan 17 adamdy marapattady.
Erlan Qoshanov óz sózinde jýrnalısterdiń el damýyna qosqan úlesi men Parlamenttik jýrnalıstıkaǵa sińgen eńbegi zor ekenin atap ótti. Palata spıkeri Májilisten habar taratyp, qabyldanyp jatqan zańdardy halyqqa keń nasıhattap júrgen tilshiler qaýymyna birlesken tabysty jumys úshin zor rızashylyǵyn bildirdi.
– Búgin ózderińizben tarıhı oqıǵa qarsańynda kezdesip otyrmyz. Sanaýly kúnnen keıin jańa Ata zań kúshine enedi. Ony Táýelsizdik shejiresiniń jańa paraǵy deýge bolady. Sizder osy tarıhı ózgeristerdiń bel ortasynda júrsizder. Ata zańdy ázirleý jónindegi Konstıtýtsııalyq komıssııanyń quramynda 10-ǵa jýyq jýrnalıst jemisti jumys atqardy. Ótken referendýmda da, Parlament qabyrǵasynda konstıtýtsııalyq zańdar qabyldaý kezinde de eldik iske bárińiz jumylyp atsalystyńyzdar. Sizder Memleket basshysynyń reformalary men bastamalaryn halyqqa jan-jaqty túsindirýge únemi kúsh salyp kelesizder. Aldaǵy ýaqytta da osy jolda jemisti eńbek ete beresizder dep senemin, – dedi Erlan Qoshanov.
Májilis tóraǵasy «Parlament sózi» baıqaýy bıyl 10-shy ret ótip otyrǵanyn, osy ýaqytqa deıin mártebeli syılyq 150-den astam BAQ ókiline berilgenin aıtty.
Caltanatty jıynda Úzdik baspa jarııalanymy úshin» nomınatsııasy – «Egemen Qazaqstan» gazetiniń jýrnalısi Pazylov Orynbek Ótemuratulyna jáne «Kazahstanskaıa pravda» gazetiniń tilshisi Mager ıÝlııa Dmıtrıevnaǵa tabystaldy. «Úzdik televızııalyq sıýjet úshin» nomınatsııasy «Qazaqstan» telearnasynyń tilshisi Qabysheva Samal Ermuhametqyzyna, «7 kanal» telearnasynyń jýrnalısi Kasenova Asemgýl Kanatovnaǵa, «Astana» telearnasynyń tilshisi Gazızova Aqbota Arnaıqyzyna berildi.
Al «Úzdik beıne-sýret materıaly úshin» nomınatsııasymen Jibek Joly telearnasynyń operatory Sháriphan Saparaqyn Zulpyharuly, «Úzdik ınternet jáne radıo materıaly» nomınatsııasymen Inbusiness.kz saıtynyń tilshisi Smaılova Baljan Aldııarqyzy, Informburo.kz saıtynyń jýrnalısi Pıchenenko Marııa Konstantınovna, «Shalqar» radıosynyń júrgizýshisi Doskeeva Gúlnur Omarhanqyzy jáne «QR.News» aqparattyq saıtynyń redaktory Qanat Saparǵalı Tanatuly marapattaldy.
«Arnaıy reportaj» nomınatsııasyn 24.kz telearnasy «Mazhilis.live» baǵdarlamasynyń júrgizýshisi Kenjebaeva Nazym Qaıratqyzy, KTK telearnasynyń jýrnalısi Abramova Anna Aleksandrovna, Tiek.kz saıtynyń redaktory Álibaı Baqytnur Baltabekuly aldy.
Sonymen qatar «Parlamenttik jýrnalıstıkany damytýǵa qosqan úlesi úshin» nomınatsııasymen Qabylbekov Naǵashybaı Joldyuly men Koskına Aınýr Tleýbekovna marapattaldy.
«Parlament sózi» arnaıy nomınatsııasy «Aıqyn-Lıter» ujymymen «Eýrazııa» Birinshi arnasy» ujymyna tabys etildi.
Aıta ketelik búgin Prezıdent jýrnalıster qaýymyn kásibı merekesimen quttyqtaǵan edi.
