Májiliste maska rejımi engizildi

ASTANA. KAZINFORM – QR Parlamenti Májilisi ǵımaratynda maska taǵyp júrý rejımi engizildi. 

«Prezıdent isi basqarmasy medıtsına ortalyǵynyń bas sanıtarlyq dárigeri A. Temirǵalıevanyń 6.02.2024 j. qaýlysyna sáıkes Parlament Májilisi ǵımaratynyń aýmaǵynda koronavırýs ınfektsııasy boıynsha qolaısyz epıdemıologııalyq jaǵdaıǵa baılanysty 7 aqpannan bastap mindetti maska taǵý rejımi engizildi. Sonymen qatar indettiń aldyn alý sharalary júrip jatyr. Májilistegi is-sharalar onlaın formatqa aýystyrylady nemese maska rejımi men sanıtarlyq normalardy qatań saqtaı otyryp ótkiziledi,- dep habarlady QR Májilisiniń baspasóz qyzmeti.

Osyǵan baılanysty Májilistiń baspasóz qyzmeti BAQ ókilderinen is-sharalarǵa maska taǵyp kelýdi suraıdy.