Májilis jer qoınaýyn paıdalanýǵa qatysty qujatty talqylaıdy
ASTANA. KAZINFORM – Parlament Májilisiniń qaraýyna Memleket basshysynyń tapsyrmalaryn iske asyrý boıynsha «Jer qoınaýy jáne jer qoınaýyn paıdalaný týraly» Kodeksine ózgerister men tolyqtyrýlar engizý týraly» zań jobasy kelip tústi.
«Zań jobasy Memleket basshysynyń Qazaqstan halqyna Joldaýlarynda aıtylǵan tapsyrmasyn iske asyrýǵa baǵyttalǵan. Qujatta jer qoınaýyn paıdalanýdyń biryńǵaı platformasy aqparattyq júıesin qurý eskerilgen. Sonymen qatar jer qoınaýyn paıdalanýdyń biryńǵaı portaly arqyly alǵashqy ótinim qaǵıdaty boıynsha jer qoınaýyn paıdalanýǵa lıtsenzııalar berýdi retke keltirý qarastyrylǵan», - dedi Májilistiń Ekologııa máseleleri jáne tabıǵat paıdalaný komıtetiniń tóraǵasy Edil Jańbyrshın Májilistiń jalpy otyrysynda.
Atalǵan zań jobasynda eki kezeń arqyly jer qoınaýynyń memlekettik qoryn basqarýdyń baǵdarlamasyn udaıy qaıta bekitý tetigin alyp tastaý usynylǵan. Sondaı-aq Memlekettik jer qoınaýy qoryn basqarý baǵdarlamasynyń ornyna aýktsıondar baǵdarlamasynyń tetigin engizý eskerilgen.
«Memleket basshysynyń tapsyrmalaryn iske asyrý baǵytynda olarda zańnamalyq deńgeıde bekitýge múmkindik beretin birqatar túzetýlerdi engizý qamtylǵan. Komıtet zań jobasy boıynsha qorytyndy ázirleýge daıyn», - dedi depýtat.
