Májilis Jańa Konstıtýtsııa jobasyn talqylaıdy

ASTANA. KAZINFORM — Búgin Májilistiń jalpy otyrysynda depýtattar Jańa Konstıtýtsııa jobasyn talqylaıdy. 

— Qazir qoǵamda, áleýmettik jelilerde, memlekettik deńgeıde jańa Konstıtýtsııanyń jobasyna qatysty úlken talqylaý júrip jatyr. Konstıtýtsııalyq komıssııanyń jumysyna qatysty qoǵamda úlken áńgimeler bar. Osy oraıda konstıtýtsııalyq reforma, Konstıtýtsııa joba taqyrybyn búgingi kún tártipke engizýdi suraımyn, — dedi Májilis depýtaty Ermurat Bápı.

Osy oraıda palata spıkeri Erlan Qoshanov ta shynymen jańa Konstıtýtsııanyń jobasy qoǵamda qyzý talqylaý týǵyzǵanyn atap ótti.

— Bul elimizdegi demokratııanyń, ashyqtyqtyń aıqyn kórinisi dep oılaımyn. Depýtat Ermurat Bapıdiń usynysyna baılanysty depýtattardyń, fraktsııalardyń aıtatyn pikirleri bolsa daýysqa salyp, qoldaýǵa bolady, — dedi palata tóraǵasy.

Usynys daýysqa salynǵannan keıin jalpy otyrysqa qatysyp otyrǵan 92 depýtattyń 90-y qoldaý bildirip, 2 depýtat daýys bermedi.