Májilis Ulttyq qordan kepildendirilgen transfert týraly zańdy qabyldady

ASTANA. KAZINFORM – Májiliste Ulttyq qordan 2025–2027 jyldarǵa arnalǵan kepildendirilgen transfert týraly zań jobasy qabyldandy.

«Sizderdiń qaraýlaryńyzǵa «Qazaqstan Respýblıkasynyń Ulttyq qorynan 2025 – 2027 jyldarǵa arnalǵan kepildendirilgen transfert týraly» zań jobasy engiziledi. Zań jobasy bıýdjet kodeksiniń erejeleri negizinde ázirlendi. Bul rette, kepildendirilgen transferttiń mólsheri bıýdjettik qaǵıdalarǵa sáıkes anyqtalǵan», - dedi QR Premer-Mınıstriniń orynbasary – Ulttyq ekonomıka mınıstri Nurlan Baıbazarov Májilistiń jalpy otyrysynda. 

Ulttyq ekonomıka mınıstriniń málimetinshe, atalǵan zań jobasynda munaıdyń kesimdi baǵasy 2025 jyly barreline 42,3 AQSh dollar, 2026-2027 jyldary barreline 41 – 39,4 AQSh dollary deńgeıinde belgilendi. 

«Osyny eskere otyryp, Ulttyq qordan kepildendirilgen transferttiń mólsheri 2025-2027 jyldarǵa jyl saıyn 2 trln teńge kóleminde aıqyndaldy. Osy ýaqyt aralyǵynda Ulttyq qordyń taza valıýtalyq aktıvteri boljam boıynsha 2025 jyly 62,2 mlrd AQSh dollar, 2026-2027 jylday 69,9 – 78,7 mlrd AQSh dollar qarastyryldy», - dedi mınıstr. 

Onyń aıtýynsha, zań jobasyn qabyldaý respýblıkalyq bıýdjettiń teńgerimdiligin qamtamasyz etýge múmkindik beredi. 

Eske sala keteıik, Májilis Ulttyq qordan kepildendirilgen transfert týraly zań jobasyn qaraýǵa alǵan edi.