Májilis úlesker aqshasyna turǵyn úı salý erejesin jetildiretin zańdy qabyldady

ASTANA. KAZINFORM – Májilis turǵyn úı qurylysyna úlestik qatysý erejesin jetildiretin zańdy qabyldady.

Zań jobasy turǵyn úı qurylysyna úlestik qatysý sharttaryn elektrondyq nysanda jasaýǵa múmkindik bermek. Qazir ondaı sharttar tek jazbasha túrde jasalady. 

Sondaı-aq, úlesker retinde qatysý sharttaryn jergilikti ákimdiktiń biryńǵaı aqparattyq júıesinde tirkeý mindeti engizilmek.

— Turǵyn úı qurylysyna úlestik qatysý týraly zańnamany aınalyp ótý múmkindigin boldyrmaý úshin aldyn ala sharttar, brondaý, ınvestıtsııalaý sharttar jasaǵa tyıym salý usynylady. Zań qabyldansa, bul qujattardyń bári joıylyp ornyna turǵyn úı qurylysyna úlestik qatysý týraly shart qana qoldanylady, — dedi depýtat.

Zańda budan basqa mynandaı jańashyldyqtar bar:

Birinshiden, salynyp jatqan turǵyn úılerdi jarnamalaý úshin jergilikti ákimdik ruqsat berip, Qazaqstan turǵyn úı kompanııasy kepildik usyný shart. 

Ekinshiden, salynyp jatqan kóppáterli úıden úlestik jolmen páter satqysy keletin kompanııaǵa tólemdi aqshalaı qabyldaýǵa tyıym salynbaq. Ol úshin «Tólemder jáne tólem júıeleri týraly», «Turǵyn úı qurylysyna úlestik qatysý týraly» zańdarǵa túzetýler engizildi.

Úshinshiden, «Turǵyn úı qurylysyna úlestik qatysý týraly» zańnyń az qabatty qurylystarǵa da qoldanylmaq.

Tórtinshiden, ruqsatsyz salynyp jatqan úıden páter satyp alýǵa ıpotekalyq qaryz berýge tyıym salynady.

Besinshiden, úleskerlerdiń aqshasyn tartýǵa ruqsat almaı turyp aqsha tartqan kompanııalarǵa 2000 AEK (7 mln 384 myń teńge), daıyn emes páterlerdi jarnamalaǵan kompanııalarǵa 1000 AEK (3 mln 692 myń teńge) aıyppul salý kózdelgen.

Sondaı-aq, búgin Májilis Salyq kodeksin qabyldady.