Májilis turǵyn úıdi basqarý erejesin ózgertetin zańdy qabyldady

ASTANA. KAZINFORM — Májilis turǵyn úı-kommýnaldyq sharýashylyq zańnamasyn jetildirýge arnalǵan negizgi bir zań men oǵan ilespe eki zańdy qabyldady.

— Bul qujat eki negizgi máseleni sheshedi. Birinshiden, reforma júrgizilgen alty jyl ishinde ınstıtýt retinde joıylmaǵan páter ıeleri kooperatıvteri qyzmetiniń ashyqtyǵyna qoıylatyn talaptar bekitiledi. Ekinshiden, turǵyndarǵa kondomınıýmdy basqarýshylardy, olarmen jasalatyn sharttar tańdaýda erkin quqyqtyq berý kózdelip otyr. Ol úshin zań jobasynda kondomınıýmdy basqarýdyń eki túri engizilgen — múlik ıelerin biriktir, tikeleı birlesken basqarý. Qarapaıym seriktestikter óz jumysyn basqarý úshin basqarýshy kompanııa da qura alady, páter ıeleriniń kooperatıvi retinde de jumys isteı alady, — dedi negizgi qujatty ttanystyrǵan Májilis depýtaty Ekaterına Smyshlıaeva.

Sondaı-aq, zań jobasy turǵyndardyń kondomınıým basqarýshylardy tsıfrlyq daýys berý arqyly tańdaýyna, tańdalǵan basqarýshydan tsıfrlyq formatta esep alýyna múmkindik beredi.

Basqarýshylar ár úıge bólek bólek shot ashyp, turǵyn úı ınspektsııasyna qyzmetin bastaǵany týraly habarlaýǵa mindetteledi. Basqarýshy kásiporynnyń shtatynda mindetti túrde kásibı menedjerler bolý qajet.

Al turǵyndar páter ıeleri kooperatıviniń basqarýynda qala beremiz dep sheshse, uıymǵa qaıta tirkelý kerek bolady. Munda turǵyndardan jınalǵan jarnalar men ózge de kirister uıymnyń jarǵylyq maqsattaryna ǵana jumsalý kerek.

Turǵyndar múlik ıeleriniń birlestigine toptasqysy kelse, ol uıymdarǵa mynandaı talaptar qoıylady:

— birlestik tóraǵasynyń ókilettigi bir jyldan úsh jylǵa deıin ulǵaıady;
— birlestikke úı basqarý qyzmetin óz erkimen júrgizýge quqyq beriledi;
— tóraǵa eńbek sharty boıynsha kásibı basqarýshyny jaldap, oǵan birqatar ókilettik bere alady.

Qujatta turǵyn úı salǵan kompanııa birinshi páterdi satqannan keıin kondomınıým tirkeýge midetteletini aıtylǵan. 

Turǵyn úıdi basqarýshy uıym zańnyń osy talaptaryn buzsa aıyppul tóleıdi. Naqtyraq aıtsaq:

— shottardy ashý merzimderin buzǵany úshin 50 AEK mólsherinde aıyppul;
— aı saıynǵy jáne jyldyq esepterdi usyný merzimderin buzý 50 AEK aılyq eseptik kórsetkish mólsherinde aıyppul;
— qurylys salýshynyń úı qujattamasyn usynbaýy — 100-200 AEK kóleminde aıyppul;
— basqarý sýbektisiniń úı qujattaryn bermeýi — 50-10 AEK aıyppul.

Sondaı-aq, búgin Májilis Salyq kodeksin qabyldady.