Májilis tóraǵasy Talǵat Bıgeldınovtiń eskertkishine gúl shoǵyn qoıdy
ASTANA. KAZINFORM — Májilis tóraǵasy Erlan Qoshanov Jeńis kúnine oraı Keńes Odaǵynyń Batyry ataǵyn eki márte ıelengen Talǵat Bıgeldınovtiń eskertkishine gúl shoǵyn qoıdy.
— Іs-sharaǵa Parlament fraktsııalary men ardagerler uıymdarynyń ókilderi jáne jergilikti turǵyndar qatysty. Olar erlikpen qaza tapqan qaharmandardyń rýhyna taǵzym etip, maıdangerler men tyl eńbekkerlerin bir mınýt únsizdikpen eske aldy, — delingen habarlamada.
Talǵat Jaqypbekuly Bıgeldınov — qazaqtyń mańdaıyna bitken dańqty ushqyshy, avıatsııa general-maıory. 305 ret áskerı shabýylǵa shyǵyp, erliktiń shynaıy úlgisin pash etken birtýar batyr. Sonymen qatar ol úsh márte KSRO Joǵarǵy Keńesiniń depýtaty bolyp saılanǵan.
Aty ańyzǵa aınalǵan ushqyshtyń eskertkishi elordanyń Saryarqa aýdanyndaǵy batyrdyń qurmetine berilgen kóshedegi saıabaqta ornalasqan.
Buǵan deıin Oljas Bektenov, Máýlen Áshimbaev jáne Erlan Qoshanov «Otan Ana» monýmentine baryp, soǵys jyldarynda qurban bolǵandardy eske alǵanyn jazdyq.
