Májilis saılaý týraly Konstıtýtsııalyq zańǵa ózgerister engizbek

ASTANA. KAZINFORM – Búgin Májilistiń jalpy otyrysynda depýtattar «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Konstıtýtsııalyq zańnyń jobasyn qaraýǵa qabyldady.

Sondaı-aq depýtattar atalǵan Konstıtýtsııalyq zańmen baılanysty «Qazaqstan Respýblıkasynyń keıbir zańnamalyq aktilerine caılaýdy jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy boıynsha jáne «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» Qazaqstan Respýblıkasy Zańynyń jobasy boıynsha qorytyndy ázirleıdi.

Osy qujattar boıynsha sóz sóılegen Májilis depýtaty Snejanna Imashevanyń aıtýynsha, zań jobalary Úkimettiń zań jobalaý jumystarynyń josparyna sáıkes, elektoraldyq praktıkany eskere otyryp, saılaý júıesin jetildirýge qatysty Memleket basshysynyń tapsyrmasyn iske asyrý maqsatynda ázirlendi.

- Konstıtýtsııalyq zań jobasynyń negizgi maqsattary: Májilis depýtattyǵyna bir kandıdatty bir saılaý okýrginen artyq saılaý okrýginde usynýǵa tyıym salý, bir adamdy bir mezgilde Májilis pen máslıhattyń bir mandatty okýrgteri boıynsha da usynýǵa tyıym salý, ákimge kandıdattyń saılaý qoryn qurý, prezıdenttikke, depýtattyqqa, ákimge, saılaý komıssııasy múshesine kandıdattarǵa aýyr jáne asa aýyr qylmystar boıynsha sottylyǵynyń bolmaýy boıynsha talaptardy kúsheıtý, úgit-nasıhat máselelerin jáne taǵy basqa máselelerdi retteýge baǵyttalǵan. Іlespe zań jobalary da saılaý ótkizý rásimderin jetildirýge, saılaý zańnamasynyń normalaryn saqtamaǵany úshin ákimshilik jaýapkershiligin engizýge baǵyttalǵan, - dedi ol.

Aıta keteıik, ótken jyly elordada Parlament palatalarynyń birlesken otyrysynda «Qazaqstan Respýblıkasynyń keıbir konstıtýtsııalyq zańdaryna ózgerister men tolyqtyrýlar engizý týraly» QR Konstıtýtsııalyq Zańy ekinshi oqylymda qaralyp, qabyldandy.