Májilis Reseıden munaı ónimderin jetkizýge qatysty qujatty qabyldady
Búgin Májilistiń jalpy otyrysynda «2010 jylǵy 9 jeltoqsandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge ózgeris engizý týraly hattamany ratıfıkatsııalaý týraly» zańy qabyldandy, dep habarlaıdy Kazinform.
Munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge ózgeris engizý týraly hattamaǵa 2022 jylǵy 18 shildede Máskeýde qol qoıyldy.
Hattamanyń negizgi maqsaty – Kelisimniń 3-babyndaǵy RF-te Reseı munaı ónimderin Qazaqstan Respýblıkasyna jetkizý kezinde ýaqytsha merzimdi kedendik deklaratsııalaýdy qoldanýdy alyp tastaý.
Hattamaǵa sáıkes Kelisimniń 3-babynyń ekinshi abzatsy mynadaı redaktsııada jazyldy: «2022-2024 jyldary munaı jáne munaı ónimderin qubyrjol kóligimen áketýdi qospaǵanda, Eýrazııalyq ekonomıkalyq odaqtyń Syrtqy ekonomıkalyq qyzmetiniń biryńǵaı taýar nomenklatýrasynyń 27-tobynda synyptalatyn, Reseıden Qazaqstanǵa áketiletin munaı jáne munaı ónimderi esepke alý maqsatynda Reseı Federatsııasynyń zańnamasynda belgilengen ýaqytsha merzimdik kedendik deklaratsııalaýdy qoldanbaı, EAEO-nyń kedendik aýmaǵynan tysqary jerlerge áketilgendeı Reseı Federatsııasynda kedendik deklaratsııalaýǵa jatady».
Energetıka mınıstri Almasadam Sátqalıevtiń aıtýynsha, Reseı munaı ónimderin Qazaqstan Respýblıkasyna jetkizý kezinde ýaqytsha merzimdi deklaratsııany qoldanýdy joıý qazaqstandyq kásipkerlerge satýshyny, jetkizý sharttaryn jáne tıisinshe olar úshin qolaıly baǵamen tańdaýǵa múmkindik berip, oń áserin tıgizedi.
