Májilis Ortalyq Azııa men Aýǵanstanǵa qatysty qujatty qaraıdy
ASTANA. KAZINFORM – Parlament Májilisiniń qaraýyna «Qazaqstan Úkimeti men BUU arasyndaǵy Qazaqstan Respýblıkasynda BUU-nyń Ortalyq Azııa men Aýǵanstan úshin ornyqty damý maqsattar jónindegi óńirlik ortalyǵyn qurý týraly kelisimdi ratıfıkatsııalaý týraly» zań jobasy engizildi.
– Atalǵan kelisimge 2025 jylǵy 3 tamyzda Almaty qalasynda qol qoıyldy. Bul qujat Qazaqstan Respýblıkasynda Birikken Ulttan Uıymynyń Ortalyq Azııa men Aýǵanstan úshin ornyqty damý maqsattar jónindegi óńirlik ortalyǵyn qurýǵa, sondaı-aq onyń jumysyna quqyqtyq negizdi qamtamasyz etýge baǵyttalǵan. Májilistiń Halyqaralyq ister, qorǵanys jáne qaýipsizdik komıteti osy zań jobasy boıynsha qorytyndy ázirleýge daıyn, - dedi depýtaty Aıgúl Quspan Májilistiń jalpy otyrysynda.
Eske salsaq, byltyr Memleket basshysy Qasym-Jomart Toqaev pen BUU Bas hatshysy Qazaqstan Úkimeti men Uıym arasynda BUU-nyń Ortalyq Azııa men Aýǵanstanǵa arnalǵan ornyqty damý maqsattary jónindegi óńirlik ortalyǵyn qurý týraly kelisimge qol qoıý rásimine qatysty.
Sondaı-aq buǵan deıin Almatydaǵy BUU óńirlik ortalyǵy qandaı mindet atqaratynyn jazǵan edik. Jańa ortalyqtyń basty mindeti – Ornyqty damý maqsattaryn óńirlik erekshelikterge beıimdep, Ortalyq Azııa elderi men Aýǵanstannyń osy saladaǵy kúsh-jigerin qoldaý.
