Májilis qorǵanys ónerkásibi jáne memlekettik qorǵanys týraly zań jobasyn qabyldady
Májiliste «Qazaqstan Respýblıkasynyń keıbir zańnamalyq aktilerine qorǵanys ónerkásibi jáne memlekettik qorǵanystyq tapsyrys máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy qaralyp, qabyldandy, dep habarlaıdy QazAqparat tilshisi.
Aldymen Májilistiń halyqaralyq ister, qorǵanys jáne qaýipsizdik komıtetiniń tóraǵasy Aıgúl Quspan atalǵan zań jobasy boıynsha baıandama jasady.
Onyń aıtýynsha, zań jobasy Qazaqstan Respýblıkasynyń qorǵanys ónerkásibi jáne memlekettik qorǵanystyq tapsyrys týraly zańnamany odan ári jetildirýge baǵyttalǵan. Zań jobasynda «Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» jáne «Qorǵanys ónerkásibi jáne memlekettik qorǵanystyq tapsyrys týraly» Qazaqstan Respýblıkasynyń zańdaryna túzetýler kózdeledi.
«Osy zańnyń qabyldanýy qorǵanys-ónerkásip kesheni qyzmetiniń tıimdiligin jáne elimizdiń qorǵanys qabiletin arttyrýǵa yqpal etedi», - dedi Aıgúl Quspan.
Sondaı-aq jańa zań aıasynda qarý jaraq pen áskerı tehnıkany jedel qalpyna keltirý maqsatynda zań jobasynda qosalqy bólshekterdi satyp alý rásimin ońaılatý jáne olardy memlekettik satyp alý rásimi arqyly ótkizý usynylady.
Zań jobasymen jumys isteý barysynda depýtattar qarý-jaraqtyń, áskerı tehnıkanyń, tehnıkalyq jáne arnaıy quraldardyń jańa úlgilerin jasaý jáne jańǵyrtý salasyndaǵy ǵylymı zertteýler bóliginde túzetýler engizdi.
