Májilis Qazaqstan men Ózbekstan arasyndaǵy saýdany damytýǵa arnalǵan qujatty qaraıdy
ASTANA. KAZINFORM – Parlament Májilisiniń qaraýyna «Qazaqstan Úkimeti men Ózbekstan Úkimeti arasyndaǵy «Ortalyq Azııa» halyqaralyq ónerkásiptik kooperatsııa ortalyǵynyń qyzmetin retteý týraly kelisimdi ratıfıkatsııalaý týraly» zań jobasy engizildi.
«Atalǵan kelisimge 2023 jylǵy 9 qarashada Tashkent qalasynda qol qoıyldy. Kelisimdi ratıfıkatsııalaý ekijaqty ekonomıkalyq qatynastardy odan ári damytýǵa baǵyttalǵan. Onyń ishinde Qazaqstan men Ózbekstan arasyndaǵy ónerkásiptik kooperatsııasynyń damýyna, saýda aınalymynyń ósýine, ınvestıtsııalar kóleminiń ulǵaıýyna tyń serpin beredi», - dedi Májilistiń Halyqaralyq ister, qorǵanys jáne qaýipsizdik komıtetiniń tóraǵasy Aıgúl Quspan palatanyń jalpy otyrysynda.
Onyń aıtýynsha, atalǵan qujat eki eldiń óndirýshileri men kásipkerleri arasyndaǵy iskerlik baılanystardy jandandyrýǵa yqpal etedi.
«Májilistiń Halyqaralyq ister, qorǵanys jáne qaýipsizdik komıteti atalǵan zań jobasy boıynsha tıisti merzimde qorytyndy ázirleýge daıyn», - dedi depýtat.
