Májilis Qazaqstan men Qytaı arasyndaǵy mádenı baılanystarǵa qatysty qujatty qabyldady
ASTANA. KAZINFORM – Búgin Májilistiń jalpy otyrysynda «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy mádenı ortalyqtardy ózara qurý týraly kelisimdi ratıfıkatsııalaý týraly» Zańy qabyldandy.
«Memleket basshysynyń Qytaı Halyq Respýblıkasymen dostyq pen áriptestikke negizdelgen saıasatynyń aıasynda qazir birqatar úlken bastamalar kóterilip otyr. Sonyń biri — Astana men Beıjińde ózara Mádenı ortalyqtar ashý týraly sheshim. Osy oraıda Qazaqstannyń Qytaıdaǵy mádenı ortalyǵy tarıhymyzda alǵash ret ultymyzdy bul elde keńinen tanytýdyń, eki el arasyndaǵy rýhanı baılanysty jańa deńgeıge kóterýdiń, ózara halyqaralyq mádenı-gýmanıtarlyq jobalardy iske asyrýdyń iri ári tolyqqandy oshaǵyna aınaldyrý kózdelip otyr», — dedi Qazaqstan Respýblıkasynyń Mádenıet jáne aqparat mınıstri Aıda Balaeva.
Onyń aıtýynsha, qazirgi mınıstrlik bul Ortalyqtyń kontseptsııasyn jasap, mazmunyn aıqyndady. Atap aıtqanda ol jerde:
— kıno kórsetilimderi men kontserttik qoıylymdarǵa arnalǵan kópfýnktsıonaldy zal;
— bilim berý kýrstary, trenıngter, shyǵarmashylyq kezdesýler ótkizetin arnaıy keńistigi bar kovorkıng ortalyǵy;
— kórmeler ótkizýge qolaıly ekspozıtsııalyq mýltımedııalyq alań;
— elimizdiń týrıstik áleýetin kórsetetin arnaıy týrızm buryshy ornalasady.
«Mine, osylardy oıdaǵydaı iske asyrý úshin mınıstrlik «Ózara mádenı ortalyqtardy qurý» týraly Zań jobas nazarlaryńyzǵa usynyp otyr. Máseleniń elimiz úshin mán-mańyzyn esekere otyryp, osy zań jobasyn qoldaýlaryńyzdy suraımyn», — dedi mınıstr.
Jalpy otyrys barysynda depýtattar bul qujatty talqylyp, qabyldady.
