Májilis Qazaqstan men BAÁ arasynda jańartylatyn energııaǵa qatysty qujatty qaraıdy

ASTANA. KAZINFORM – QR Parlamenti Májilisiniń qaraýyna «Qazaqstan Respýblıkasynyń Úkimeti men Birikken Arab Ámirlikteriniń Úkimeti arasyndaǵy jel elektr stantsııasy jobasyn iske asyrý týraly kelisimdi ratıfıkatsııalaý týraly» zań jobasy tústi.

«Atalǵan kelisimge eki eldiń úkimeti 2023 jyldyń 2 jeltoqsanynda qol qoıdy. Kelisimniń maqsaty – Qazaqstan aýmaǵynda jańartylatyn energııa kózderin damytý arqyly jahandyq jylynýǵa qarsy kúreste eki el arasyndaǵy yntymaqtastyqty júzege asyrý. Qaralyp otyrǵan qujat aıasynda jel energııasynyń stantsııasyn Jambyl oblysynda salý josparlanyp otyr. Atalǵan kelisimde eki iri joba qarastyrylǵan. Osy eki joba aıasynda belgilengen merzim 25 jyldy qamtıdy», - dedi Májilistiń Ekologııa máseleleri jáne tabıǵat paıdalaný komıtetiniń tóraǵasy Edil Jańbyrshın palatanyń jalpy otyrysynda.

Onyń aıtýynsha, jobany iske asıarý barysynda 100-ge tarta turaqty, sondaı-aq 1600-ge jýyq ýaqytsha jumys orny qurylady.

«Komıtet za jobasy boıynsha qorytyndy ázirleýge daıyn», - dedi depýtat.