Májilis qaraýyna telefon alaıaqtaryna tosqaýyl qoıýǵa arnalǵan qujat kelip tústi

ASTANA. KAZINFORM — Parlament Májilisiniń qaraýyna «Qazaqstan Respýblıkasynyń keıbir zańnamalyq aktilerine telekommýnıkatsııalar naryǵyn jáne derekterdi óńdeý ortalyqtaryn damytý máseleleri boıynsha ózgerister men tolyqtyrýlar engizý týraly» zań jobasy kelip tústi.

- El óńirlerinde halyqpen kezdesý kezinde eldi mekenderdi joǵary jyldamdyqty ınternetpen qamtamasyz etý, telefon alaıaqtaryna tosqaýyl qoıý máselesi jıi kóterildi. Osyǵan baılanysty atalǵan zań jobasy halyqty sapaly ári joǵary jyldamdyqtaǵy ınternetpen qamtamasyz etýge, telekommýnıkatsııa ınfraqurylymyn damytýǵa, telefon alaıaqtyǵyn anyqtaý boıynsha jumysty kúsheıtýge baǵyttalǵan, - dedi depýtat Nurtaı Sabılıanov Májilistiń jalpy otyrysynda.

Onyń aıtýynsha, qujatta derekterdi ázirleý ortalyqtarynyń ınfraqurylymyn damytýdy yntalandyrý, telekommýnıkatsııa salasyndaǵy ozyq tehnologııalardy damytý eskerilgen.

- Zań jobasy aıasynda bes zańǵa ózgertý engizý qarastyrylǵan. Osy oraıda Májilistiń Ekonomıkalyq reforma jáne óńirlik damý komıteti zań jobasy boıynsha qorytyndy ázirleýge daıyn, - dedi depýtat.

Buǵan deıin Qazaqstan Іshki ister mınıstrligi telefon arqyly jasalatyn alaıaqtyq áreketterde qylmyskerler jıi paıdalanatyn sózderdi ataǵanyn jazǵan edik.