Májilis kapıtaldyń shetelge shyǵýyna tosqaýyl qoıatyn qujatty maquldady
Premer-Mınıstrdiń orynbasary – Qarjy mınıstri Erulan Jamaýbaev Parlamenttegi jańa zań jobasy aıasynda kapıtaldy zańsyz ıemdenýge tosqaýyl qoıylatynyn aıtty, dep habarlaıdy Kazinform.
«Jalpy kapıtaldy zańsyz ıemdený nemese syrtqa shyǵarýǵa qarsy keshendi jumystar atqarylyp jatyr. Sonyń aıasynda transferttik baǵa belgileýdi baqylaý eskerilgen. Búgin Májiliste birinshi oqylymda maquldanǵan zań jobasy boıynsha qosymsha deldaldardyń paıda bolýyna shekteý qoıamyz», — dedi E. Jamaýbaev Parlament Májilisinde tilshiler suraǵyna.
Onyń aıtýynsha, mundaı deldaldar kóp jaǵdaıda shetelde qurylady.
«ıAǵnı bizden alǵan shıkizattyq taýarlardy olar tómen baǵamen shyǵaryp, shetelde joǵary baǵaǵa ótkizedi. Osydan alǵan tabysty qaltalaryna basyp keldi. Biz osy derekterdi salyq boıynsha tekserýler kezinde anyqtadyq. Zań jobasyn bir jyl boıy bıznestiń jáne memlekettik organdardyń ókilderimen talqylap, bul qujat Májiliste birinshi oqylymda maquldandy. Bul qujat qabyldansa, respýblıkalyq bıýdjetke qosymsha 50-100 mlrd teńge somasynda qarajat túsedi dep sanadyq. Árıne, zań talaptaryn barlyǵy oryndasa, Qarjy mınıstrligi jaǵynan eshqandaı qýdalaý bolmaıdy», — dedi Premer-Mınıstrdiń orynbasary.
Bul rette ol atalǵan ádispen paıda taýyp kelgenderdi salyq salasyndaǵy qupııa tártibi boıynsha ataı almaıtynyn aıtty.
«Paıda kórgen uıymdardyń ataýy bar. Biz salyq salasyndaǵy qupııa normasy aıasynda ol kompanııalardy ataı almaımyz. Sebebi olar ózderiniń aıyppuldaryn tolyqtaı tóledi. Eger olardyń ataýyn jarııalasaq, osy kompanııalardyń repýtatsııasyna nuqsan keledi. Bul kompanııalar halyqaralyq dárejede jumys istep jatyr. Osy kompanııalar syrtqy treıderlermen qarym-qatynasta transferttik baǵa belgileý kezinde aıyrmashylyq bolǵan. Mundaı áreketke qoldanystaǵy zań múmkindik bergen, al endi jańa zań boıynsha osy is-qımyldar shekteledi», — dedi Erulan Jamaýbaev.
Budan buryn habarlanǵandaı, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine transferttik baǵa belgileý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
