Májilis eksporttyq-kredıttik agenttiktiń arnaıy mártebesin qurýǵa baǵyttalǵan zańdy qabyldady
Búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine eksporttyq-kredıttik agenttik jáne shıkizattyq emes taýarlardyń eksportyn ilgeriletý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda qaraldy. Talqylaý barysynda palata depýtattary zańdy qabyldady, dep habarlaıdy Kazinform.
Osy qujat 2023 jylǵy 13 qyrkúıekte Májiliste birinshi oqylymda maquldanǵan edi.
Qujat eksportty qarjylyq qoldaýdyń biryńǵaı operatory «KazakhExport» eksporttyq saqtandyrý kompanııasy» AQ úshin retteýshilik rejımdi qalyptastyrý bóliginde Memleket basshysynyń tapsyrmasyn oryndaý maqsatynda ázirlendi. Zań eksporttyq-kredıttik agenttiktiń arnaıy quqyqtyq mártebesin qurýǵa baǵyttalǵan, ol shıkizattyq emes eksportty qarjylyq qoldaý men damytýdyń negizgi sharalaryn biriktirýge múmkindik beredi.
Zań jobasymen jumys barysynda depýtattar:
- saýda qyzmetin retteý salasyndaǵy ýákiletti organnyń quzyretin naqtylaýǵa;
- «Qazaqstannyń eksporttyq-kredıttik agenttigi» uǵymyn naqtylaýǵa baǵyttalǵan negizgi túzetýlerdi engizdi.
Budan basqa, depýtattar jekelegen normalardy naqtylaıtyn jáne zań jobasynyń mazmunyn jaqsartatyn túzetýler engizdi.
