Májilis EAEO men Irannyń saýda-ekonomıkalyq yntymaqtastyǵyna qatysty qujatty qaraıdy
ASTANA. KAZINFORM – Parlament Májilisiniń qaraýyna «Bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Iran Islam Respýblıkasy arasyndaǵy erkin saýda týraly kelisimdi ratıfıkatsııalaý týraly» zań jobasy kelip tústi.
«2023 jylǵy 25 jeltoqsanda Sankt-Peterborda atalǵan kelisim bekitildi. Qujattyń maqsaty – saýda-ekonomıkalyq yntymaqtastyqty keńeıtý, sondaı-aq taýarlardy seriktes elderdiń naryǵyna shyǵarý jáne EAEO elderine ınvestıtsııa tartýǵa qolaıly jaǵdaı jasaý. Bul turǵyda Májilistiń Ekonomıkalyq reforma jáne óńirlik damý komıteti osy zań jobasyn qorytyndy ázirleýge daıyn», - dedi Májilis depýtaty Nurtaı Sabılıanov palatanyń jalpy otyrysynda.
Budan buryn habarlanǵandaı, QR Parlamenti Májilisiniń qaraýyna «Qazaqstan Respýblıkasynyń Úkimeti men Birikken Arab Ámirlikteriniń Úkimeti arasyndaǵy jel elektr stantsııasy jobasyn iske asyrý týraly kelisimdi ratıfıkatsııalaý týraly» zań jobasy kelip tústi.
