Májilis depýtattarynyń jubaılaryna tıesili kiris somasy qansha
ASTANA. KAZINFORM — Májilistiń saıtynda keıbir depýtattardyń jubaılaryna tıesili kiris somasy jarııalandy.
Atap aıtqanda, kópshilik nazaryna esepti salyq kezeńi retinde 2024 jylǵy derekter usynylǵan. Májilis tóraǵasy Erlan Qoshanovtyń jubaıy Gúljan Abaýovanyń kirisi 2024 jyly 1,5 mln teńge bolǵan.
Palata tóraǵasynyń orynbasary Danııa Espaevanyń 2024 jylǵy derbes salyq salýǵa jatatyn tabystary týraly málimetteri ornalastyrylmaǵan.
Sonymen qatar Májilis tóraǵasynyń taǵy bir orynbasary Albert Raýdyń jubaıy Svetlana Raýdyń atalǵan kezeńdegi kirisi 10,8 mln teńge bolǵan.
Depýtat Anas Baqqojaevtyń jubaıy Álııa Otarbaevanyń tabysy 4,3 mln teńge somasynda kórsetilgen.
Al Erlan Barlybaevtyń jubaıy Ǵalııa Barlybaevanyń esepti salyq kezeńindegi derekterinde kiris retinde 528 mln teńge jazylǵan.
Munymen qosa, Baýyrjan Smaǵulovtyń jubaıy Gúlmıra Dıýsebekovanyń kirisi 48 mln teńge somasynda belgilengen.
Aıta keteıik, Premer-mınıstrdiń orynbasary — Ulttyq ekonomıka mınıstri Serik Jumanǵarınniń jubaıy 2024 jyly 88 mln teńgeden astam tabys alǵan.
Buǵan deıin Qarjy mınıstriniń orynbasary Erjan Birjanov Úkimet otyrysynan keıin ótken baspasóz máslıhatynda tabys deklaratsııasyn tapsyrýdyń tártibi ózgeretinin aıtqan bolatyn.