Májilis depýtattaryna aqparattyq qysym jasaǵan LGBT ókilderin jazalaý kerek — Edil Jańbyrshın

ASTANA. KAZINFORM — Búgin Májilistiń jalpy otyrysynda depýtat Edil Jańbyrshın LGBT nasıhatyna tyıym salý máselesin kóterdi. Osy oraıda ol QR Premer-Mınıstrine jáne QR Ulttyq qaýipsizdik komıtetiniń tóraǵasynyń atyna depýtattyq saýal joldady.

— Keshe ǵana álemdik saıasatta eleýli oryn alyp, búkil halyqaralyq qaýymdastyqty ózine qaratqan AQSh Prezıdentiniń resmı ulyqtaý rásimi ótti. Osy kúnge deıin álemniń kóptegen elderinde adam quqyǵyn qorǵaý, lıberaldyq kózqarasty qalyptastyrý men azamattyq qoǵam ornatýdy kózdegen Qurama shtattarda 47-shi Prezıdent Donald Tramp budan bylaı eki jynysty bekitti. ıAǵnı AQSh-ta er men áıel jynysy zańmen shegelendi. Bul — LGBT-ǵa, ıaǵnı tabıǵı jaratylysqa qarsy jynoınaq toptarǵa endi AQSh-ta zańmen tyıym salynady degen sóz. Bul jańalyq Batysty ózderine qorǵaýshy sanap júrgen qyztekelerge tóbelerinen jaı túskendeı bolǵany anyq. Osy tusta, barlyq qyztekelerge «Dıadıa Donaldtan» jalyndy sálem! Bul rette, AQSh Prezıdentiniń sheshimi Májilis depýtattarynyń LGBT-ǵa qarsy ustanymymen ushtasty. Óıtkeni biz Májiliske kelgeli beri ultymyzdyń bolashaǵyna balta shaýyp júrgen azǵyn jolmen kúresip kele jatyrmyz. Men biletin Úkimetke keminde birneshe naqty depýtattyq saýal joldandy, — dedi E. Jańbyrshın.

Bul rette ol LGBT-ny nasıhattaýǵa tyıym salýdy kózdeıtin arnaıy zań normalary da ázirlengenin eske saldy.

— Alaıda, osy áreketterimizge keıbir sheneýnikter batys elderi ókilderiniń «demokratııany shektep jatyrsyńdar», «adam quqyǵyn taptap jatyrsyńdar» degen ustanymdaryn jeleý qylyp, qarsylyq bildirdi. Tipti, LGBT ókilderi jáne olardyń sybaılastary depýtat áriptesterime jáne olardyń otbasylaryna áleýmettik jelide, buqaralyq aqparat quraldarynda jappaı aqparattyq shabýyldar uıymdastyrdy. Biraq bul kúreste biz jalǵyz qalǵan joqpyz. Kózi ashyq, kókiregi oıaý azamattar, jalpy qoǵam bizdi qoldap, E-petition.kz memlekettik platformasynda LGBT nasıhatyna qarsy petıtsııa jarııalady. Nebári 2 aptada petıtsııa 50 myń qol jınaǵanyn bilemiz. Bul neni kórsetti?! Bul ulttyq bolmysymyzǵa jat, LGBT aǵymyna halyqtyń ashyq qarsy ekendigin kórsetti. Al Parlament birinshi kezekte halyqtyń múddesin eskerip, ony naqty zańnamamen iske asyrýy tıis, — dedi depýtat.

Onyń paıymynsha, Úkimet tez arada tıisti sharalardy qolǵa alýy qajet. Birinshiden, joǵaryda atalǵan petıtsııa talaptaryn tolyq qanaǵattandyrý kerek.

— Sonymen qatar, LGBT-ny qoldap, Májilis depýtattaryna aqparattyq shabýyldardy uıymdastyrǵan adamdardy taýyp, jazalaý qajet, — dedi E. Jańbyrshın.

Buǵan deıin Májilis depýtaty Rınat Zaıytov LGBT-ny nasıhattaýǵa tolyqtaı tyıym salýdy talap etti.

Eske salqsaq, byltyr kúzde Grýzııa parlamenti LGBT nasıhatyna tyıym salatyn zań qabyldady.