Májilis depýtattary Salyq kodeksine ózgeris engizý týraly qujatty qaraıdy
ASTANA. KAZINFORM — Parlament Májilisiniń qaraýyna «Qazaqstan Respýblıkasynyń Salyq kodeksine ózgerister engizý týraly» zań jobasy engizildi.
Bul zań jobasy Parlament depýtattarynyń bastamashylyǵymen ázirlendi. Qujat bıyl referendýmda qabyldanǵan Qazaqstan Konstıtýtsııasyn júzege asyrýǵa baǵyttalǵan. Zań jobasynda tehnıkalyq túzetýler eskerilgen
— Jalpy, túzetýler salyq júktemesin nemese salyq salý tetikterin ózgertpeıdi. Atap aıtqanda qujat jobasy Salyq kodeksin jańa Konstıtýtsııamen úılestiriledi jáne memlekettik ınstıtýttardyń jańa modelin aıqyndaıdy. Májilistiń Qarjy jáne bıýdjet komıteti bul zań jobasy boıynsha tıisti merzimde qorytyndy ázirleýge daıyn, — dedi depýtat Tatıana Saveleva.
Budan buryn habarlanǵandaı, bıyl naýryz aıynyń basynda Premer-mınıstrdiń orynbasary — Ulttyq ekonomıka mınıstri Serik Jumanǵarın Salyq kodeksine ózgerister engizý múmkindigine qatysty pikir bildirdi.
Aıta keteıik, 17 naýryzda Memleket basshysy Qasym-Jomart Toqaev QR Konstıtýtsııasyna jáne «2026 jylǵy 15 naýryzda qabyldanǵan QR Konstıtýtsııasyn iske asyrý jónindegi sharalar týraly» Jarlyqqa qol qoıdy.
