17:34, 27 Sáýir 2024 | GMT +6
Májilis depýtattary meshit aýmaǵyna 350 túp aǵash otyrǵyzdy
ASTANA. KAZINFORM - Májilis depýtattary men palata apparatynyń qyzmetkerleri «Taza Qazaqstan» aktsııasyna qatysty. Jalpy qalalyq senbilikte olar 350 túp aǵash otyrǵyzdy.
Májilis depýtattary men Apparat qyzmetkerleri Astanadaǵy «Áziret Sultan» meshitiniń aýmaǵyn kógaldandyrýǵa atsalysty. Jalpy qalalyq senbilik barysynda depýtattar shyrsha, qaraǵaı, emen jáne qaıyń kóshetterin otyrǵyzdy.
Senbilik Memleket basshysy Qasym-Jomart Toqaevtyń «Taza Qazaqstan» aýqymdy ekologııalyq bastamasy aıasynda uıymdastyrylyp, elimizdiń barlyq óńirlerin qamtydy. Al Astanada «Jasyl aımaq» degen ataýmen ótip jatyr.
Buǵan deıin Senatorlar «Taza Qazaqstan» ekologııalyq aktsııasyna qatysqanyn jazǵan bolatynbyz.
