Májilis depýtaty jasandy ıntellektige úlken senim artýǵa shaqyrdy

ASTANA. KAZINFORM – Májilis depýtaty Baqytjan Bazarbek memlekettik organdarda jasandy ıntellektini engizý jáne retteý máselesine qatysty pikir bildirdi.

Onyń aıtýynsha, jasandy ıntellektige senim artýy tıis.

- Barlyq jerde qaýipti. Biz tipti adamdarǵa sendik, al olar bıýdjet qarajatyn jymqyrdy. Endi jasandy ıntellektiden qorqýymyz kerek pe? Biz adamdarǵa az senip, jasandy ıntellektige senimimizdi arttyra túsýimiz qajet, - dedi Baqytjan Bazarbek.

Depýtat tsıfrlandyrýda júıeli ádisterdiń qajet ekendigine senimdi. Sonymen qatar onyń atap ótýinshe, tsıfrlandyrý algorıtmi men tehnologııasy memlekettik resýrstardy basqarý barysynda adamı faktorlardy qysqarta alady. 

Aıta keteıik, búgin Parlament palatalarynyń birlesken otyrysy ótip, onda segizinshi saılanǵan Parlamenttiń úshinshi sessııasy resmı túrde jabyldy.