Májilis depýtaty zeınetaqy anýıtetine qatysty zańdaǵy ózgeristerdi túsindirdi
ASTANA. KAZINFORM - QR Parlamenti Májilisiniń depýtaty Ashat Aımaǵambetov zeınetaqy anýıtetine qatysty zańǵa qatysty ózgeristerdi túsindirdi. Bul týraly ol óziniń Telegram paraqshasynda jazdy.
-Keshe qabyldanǵan zańnyń ishinde biz usynǵan mańyzdy túzetý bar. Ol resmı túrde kúshine enedi. Buryn zeınetaqy annýıtetin alyp júrgen adam qaıtys bolsa, onyń jınaǵan aqshasy artynda qalǵan otbasyna tolyq berilmeıtin. Muragerleri ol aqshany tek aı saıyn, tıyn-tebendep, jyldarǵa sozylyp qana ala alatyn. Qalǵan búkil aqshasyn, birden alý zań júzinde múmkin emes edi,-dedi depýtat.
Onyń sózinshe, endi biz bul ereje ózgerdi. Otbasylarǵa tańdaý berilip otyr. Eger zeınetaqy annýıteti boıynsha shotta aqsha qalsa, muragerler ony burynǵydaı aı saıyn bólip alýdy jalǵastyra beredi nemese qalǵan barlyq somany bir-aq kúnde, birden tolyq alyp kete alady. Burynǵydaı tek bir ǵana qatal shekteý joq, tańdaý - otbasynyń óz qolynda.
-Biz zeınetaqy annýıteti júıesin adamdarǵa yńǵaıly ári ıkemdi ettik,-dedi Ashat Aımaǵambetov.
Aıta keteıik, osyǵan jeıin Eńbek mınıstrlig jetkilikti shekti kóterý qazaqstandyqtardyń bolashaq zeınetaqysyn qorǵaýǵa baǵyttalǵanyn aıtqan bolatyn.
