Májilis depýtaty saýda úılerindegi oıyn alańdaryn birinshi qabatqa kóshirýdi usyndy
ASTANA. KAZINFORM – Májilis depýtaty Marhabat Jaıymbetov iri oıyn-saýyq ortalyqtarynyń balalarǵa arnalǵan oıyn alańdary ústińgi qabattarda ekenin, bul ortalyq ıelerine tıimdi bolǵanmen balalardyń qaýipsizdigine keri áser etedi esepteıtinin aıtty.
Depýtat Úkimet basshysyna joldaǵan saýalynda atalǵan problemany sheshýdiń birneshe jolyn usyndy.
- Birinshiden, balalar oıyn alańdaryn ornalastyrý talaptaryn naqtylap, úlken oıyn-saýyq alańdarynda olardy tek birinshi qabatta ornalastyrýdy zańmen mindetteý kerek. Bul alańdar evakýatsııa dálizinen 20 metr radıýsta bolýyn qatań baqylaý qajet.
Ekinshiden, sanıtarlyq talaptardy kúsheıtip, oıyn jabdyqtaryn kúnine keminde eki ret mindetti túrde zalalsyzdandyrý normasyn jáne lızentsııa alý tártibin engizý usynylady. Qajet bolǵan jaǵdaıda quzyrly organdar osy talaptardyń saqtalýyna aı saıyn tekserip, kópshilikke ashyq usynsyn, - deıdi depýtat.
Sondaı-aq, ol oıyn alańdarynda qyzmet kórsetetin mamandar kásibı daıarlyqtan ótýge mindettelý kerek dep esepteıdi.
- Tórtinshiden, baǵa saıasatyn rettep, qyzmet qunynyń qalyptasýyn ashyq etý mańyzdy. Áleýmettik osal toptaǵy baldardyń bárine jeńildik qarastyrý qajet, - dedi Marhabat Jaıymbetov.
Buǵan deıin Aqtóbede batýt ortalyǵy múgedek bolyp qalǵan balaǵa 7 mln teńge tóleýge mindettelgenin jazǵan edik.
