Májilis depýtaty mınıstrlikten tsıfrlandyrýdy tejep turǵan ákimderdi ataýdy talap etti

Búgin Májilistiń jalpy otyrysynda depýtat Baqytjan Bazarbek Tsıfrlyq damý, ınnovatsııalar jáne aeroǵarysh ónerkásibi mınıstrliginen elimizde jer salasynda tsırflandyrýǵa nazar aýdarmaı otyrǵan ákimderdi ataýdy talap etti, dep habarlaıdy QazAqparat tilshisi.

«Biz jyljymaıtyn múliktiń biryńǵaı memlekettik kadastry bazasyn engizdik. ıAǵnı jer slasynda tsıfrlandyrýdy jalǵastyryp jatyrmyz. Ony Tsıfrlyq damý mınıstrligi men memlekettik korporatsııa iske asyryp jatyr. Keıbir oblys jáne qala ákimdikteri tsıfrlandyrýǵa kedergi jasap jatqany baıqaldy. Olar keıbir aqparatty bermeı, ýaqytyn sozyp keledi. Tipti, keıbir aqparatty jasyryp otyr. Mendegi aqparat boıynsha bul tizimge 7-8 oblystyń ákimi kirdi. Jalpy, osy óńirlerdiń ákimderin naqty atańyzdar. Olardy tekserip, jaýapqa tartý kerek. Oblys jáne qala ákimderiniń aty-jónin atańyzdar», - dedi B. Bazarbek.

Óz kezeginde Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov keıbir ákimdikter tıisti deńgeıde aqparat bermeı jatatynyn rastady.

«Keıde jergilikti atqarýshy organdar tolyq aqparatty jibermeıtin jaǵdaılar bar. Biz saýal joldap, aqparatty tolyqtyryp jatamyz. Biz óz quzyretimiz sheginde jazbasha jaýap berýge daıynbyz», - dedi Á. Turysyov depýtatqa qarata aıtqan sózinde.

Budan buryn habarlanǵandaı, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine Memlekettik korporatsııa máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Zań jobasy memlekettik qyzmetterdi kórsetýdi ońtaılandyrý jáne «Azamattarǵa arnalǵan úkimet» memlekettik korporatsııasynyń jumysyn jetildirý maqsatynda Parlament Májilisiniń depýtattarynyń bastamasymen daıyndaldy.