Májilis depýtaty esirtkiniń QR kod arqyly taralyp jatqanyn aıtty
ASTANA. KAZINFORM – Búgin Májilistiń jalpy otyrysynda depýtat Juldyz Súleımenova elimizde esirtkini taratý joldaryna toqtalyp ótti.
«Qazir QR kod arqyly sıntetıkalyq esirtkilerdiń taralýy kóp taralyp jatyr. Mysaly, oblys ortalyǵynda kóshe ataýy jazylǵan taqtaıshadaǵy QR kodty basqan kezde, esirtki taralatyn mekenjaılar baıqalǵan, taǵy bir oqıǵa keshe ǵana áleýmettik jelide aıtylyp jatyr, Astana qalasyndaǵy Oqýshylar saraıy esiginiń ishki jaqtaýyna QR kod ilingen, ony ashyp qarasa esirtki taratylatyn mekenjaı kórsetilgen. Osy oraıda aqparattyq qaýipsizdik maqsatynda qandaı is-sharalar qoldanasyzdar?», - degen saýal qoıdy Juldyz Súleımenova Májilis otyrysynda.
Іshki ister mınıstriniń orynbasary Aıdos Rysbaevtyń aıtýynsha, esirtki satýshylar ony taratý úshin túrli amalǵa baryp jatyr.
«Búginde kıberbaqylaý qyzmetiniń kúshimen 1356 saıt jabyldy, bul jumys kúndelikti baqylaýda. Internet arqyly esirtki satýshylar ártúrli ádis-tásildi qoldanýda», - deıdi ol.
Aıta keteıik, búgin Májilistiń jalpy otyrysynda Qazaqstanda áseri kúshti preparattardyń zańsyz aınalymyna qylmystyq jaza engizý máselesi qaraldy.
