Májilis depýtaty elimizdegi sý tasqyny kezinde aıyppul somasyn azaıtýdy usyndy

ASTANA. KAZINFORM – Búgin Májilistiń jalpy otyrysynda «Jol júrisi týraly» Zańyna ózgerister men tolyqtyrýlar engizý týraly» zań jobasyn qaraý kezinde depýtat Erlan Saırov elimizde aıyppul somasyn tómendetýdi usyndy.

«Aıyppul kólemi boıynsha Qazaqstan TMD elderiniń aldynda tur. Máselen, teńgege shaqsaq Reseıde aıyppul 3 myń teńgeden bastalady, Belarýste 5 myń teńgeden, al Qazaqstanda 17 myń teńgeden bastalady. Bul qazir profılaktıka emes, azamattarǵa qarsy qarjylyq repressııa tárizdi. Qazirgi Qazaqstandaǵy óte kúrdeli gýmanıtarlyq jaǵdaıda osy aıyppuldar azamattardy sharshatyp jibereti anyq. Búgin Májiliste birinshi oqylymda talqylanǵan zań jobasy aıasynda osy aıyppuldy azaıtý nemese belgili bir raqymshylyq jasaıtyn jaǵdaı bar ma?», - dep surady E. Saırov. 

Óz kezeginde QR Іshki ister mınıstriniń orynbasary Igor Lepeha qabyldanǵan sharalarǵa qaramastan byltyr jol-kólik apaty birshama óskenin aıtty. 

«Al bıylǵy birinshi toqsanda apattylyq 70 paıyzǵa ósti. ıAǵnı qabyldanyp jatqan sharalar jaǵdaıdy turaqtandyrýǵa múmkindik bermeı otyr. Ekinshiden, búgingi zań jobasynda aıyppuldar naqty bir jaǵdaılarǵa qatysty ósedi. Atap aıtqanda, jol erejesin óreskel buzǵandarǵa jaza kúsheıtiledi. Al kólik jyldamdyǵyn 10 km/saǵ shamasynda asyrǵandarǵa aıyppul óspeıdi. Jyldamdyqty tym joǵary asyrǵandarǵa aıyppul kóbeıedi», - dedi I. Lepeha. 

Budan buryn habarlanǵandaı, búgin Májilistiń jalpy otyrysynda «Jol júrisi týraly» Zańyna jekelegen kólik quraldary túrleriniń júrýin uıymdastyrý jáne jol qaýipsizdigin tsıfrlandyrý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy. 

Atap aıtqanda, kólik quraldarynyń jyldamdyǵyn ruqsat etilgen jyldamdyqtan 60 km/saǵ jáne odan joǵary shamada asyrǵany úshin 40 AEK mólsherinde aıyppul salýdy kózdeıtin neǵurlym qatań jaýaptylyq engizý usynylǵan.