Májilis Bıýdjet kodeksine Senat engizgen túzetýlermen kelisti
ASTANA. KAZINFORM – Búgin Májilistiń jalpy otyrysynda palata depýtattary Bıýdjet kodeksine Senat engizgen túzetýlermen kelisti.
- Bıýdjet kodeksi jáne oǵan ilispe zań jobasy Parlament Májilisine 2023 jylǵy 22 qyrkúıekte engizilgen. Bul qujattar Memleket basshysynyń Joldaýyn iske asyrý aıasynda ázirlendi. 2024 jyldyń 13 jeltoqsanynda Bıýdjet kodeksi men islespe zańdy Májilis Senatqa joldady. Bıyl 6 aqpanda atalǵan qujattar Májiliske qaıtaryldy. Senat 92 túzetý engizdi, onyń 70-i Bıýdjet kodeksine, al 22-si ilespe qujatta. Túzetýler arasynda 55-i redaktsııalyq naqtylaý sıpatynda, 36-sy Qazaqstannyń jekelegen zańnamalyq aktilerine sáıkes keltirýge baǵyttalǵan, - dedi Májilis depýtaty Tatıana Saveleva.
Onyń aıtýynsha, Senat usynylǵan túzetýler Parlament Májilisi qabyldaǵan zańnyń tujyrymdamasyn ózgertpeıdi.
- Osyǵan baılanysty Májilistiń Qarjy jáne bıýdjet komıteti Senattyń Bıýjet kodeksi men ilespe zańnyń jekelegen baptaryna tolyqtyrýlarmen kelisýdi usynady, - dedi depýtat.
Jalpy otyrys kezinde palata depýtattary bul usynysqa qoldaý bildirdi.
Eske salsaq, bıyl aqpan aıynyń basynda Senat jańa bıýdjet kodeksi boıynsha qujatty Májiliske qaıtardy.