Májilis balabaqshalardy lıtsenzııalaý týraly zańdy qabyldady

ASTANA. KAZINFORM – Májilis zańnamaǵa bilim berý jáne bala quqyqtaryn qorǵaý máseleleri boıynsha ózgerister engizýge arnalǵan zańdy ekinshi oqylymda qabyldap, Senatqa joldady.

Atalǵan zań jobasy balabaqshalardyń jumysyn lıtsenzııalaý tetigi arqyly retteýdi kózdeıdi. 

«Mınıstr myrza, muny kópke sozýǵa bolmaıdy. Lıtsenzııany kirgizý kerek jáne biz myna Kásipkerlik kodeksti alyp tastaýymyz kerek. Balaǵa bilim beretin, tárbıe beretin nysandardyń bárin prokýratýrasyz baryp tekserýimiz kerek. Men ózi nemeremdi ondaı jerýge berýden qorqam. Sebebi ol ondaı jerden qandaı adam bolyp shyǵýy múmkin? Ol jerge qandaı adam kirip, jumys istep jatyr? Bilmeımin ǵoı, onyń basyn qalaı ýlap jatqanyn», — degen edi depýtat Edil Jańbyrshın qujattyń birinshi oqylymynda.

Sondaı-aq, 2025 jyldan bastap barlyq óńirdegi balabaqshalarda vaýcherlik qarjylandyrý engiziledi. 

Onyń aıasynda:

— ata-analarǵa balabaqshalardy óz betinshe tańdaý múmkindigi beriledi;

— barlyq mektepke deıingi uıym (menshik nysanyna qaramastan) zańnamada belgilengen talaptarǵa sáıkes kelgen jaǵdaıda memlekettik tapsyrysqa ótinim berýge haqyly bolady;

— qarjylandyrý balanyń balabaqshaǵa barý faktisi boıynsha júzege asyrylady.

Bul zań bala asyrap alýdyń tártibin de ózgertedi.