Májilis Astana men respýblıkalyq mańyzy bar qalalardy damytýǵa arnalǵan zańdy qabyldady

ASTANA. KAZINFORM – Májilis zańnamany astanany jáne respýblıkalyq mańyzy bar qalalardy damytý turǵysynan jetildirýdi kózdeıtin zańdy qabyldady.

Qujatqa birinshi oqylymnan keıin engizilgen ózgeristerdi Májilistiń Ekonomıkalyq reforma jáne óńirlik damý komıtetiniń múshesi Bolatbek Najmetdınuly tanystyrdy.

Aıta ketý kerek. Bul zań respýblıkalyq mańyzy bar qalalar men astananyń jergilikti ókildi jáne atqarýshy organdarynyń quzyretterin keńeıtýge baǵyttalǵan. Onyń ishinde turǵynjaı renovatsııalaý baǵdarlamasyn bekitý, aýmaqtardy abattandyrý, saýda, medıtsınalyq, qonaqúı jáne ózge de qyzmetter kórsetý qaǵıdalaryn bekitý máselelerin qamtıtyn normalar bar.

Qujat Astana men respýblıkalyq mańyzdaǵy qalalarda qoǵamdyq kólikke qoldanylatyn tarıf saıasatyn ázirleýdi de kózdeıdi.

Birinshi oqylymnan keıin depýtattar kóshi-qon salasyndaǵy normalardy odan ári jetildirýdi usynǵan eken. Naqty aıtsaq, «ýaqytsha kóship kelýshini tirkeý» uǵymyn engizý usynylyp otyr. Depýtattar bul norma Qazaqstan aýmaǵynda 30 kúnnen artyq bolatyn sheteldikterdi tıisti deńgeıde baqylaýǵa múmkindik beredi dep otyr.

Eske salsaq, naýryz aıynda Májilis Astana, Almaty, Shymkent qalalarynyń kóshi-qonyn retteıtin zań jobasyn maquldaǵan bolatyn.