Májilis Astana Hub tehnoparkine qatysty qujatty talqylaıdy

ASTANA. KAZINFORM — Jaqynda Parlament Májilisi «Qazaqstan Respýblıkasynyń keıbir zańnamalyq aktilerine ınnovatsııalyq qyzmet salasyn memlekettik qoldaý júıesin jetildirý máseleleri boıynsha ózgerister men tolyqtyrýlar engizý týraly» zań jobasyn talqylaıdy. Bul qujat palatanyń qaraýyna kelip tústi.

«Atalǵan zań jobasy ınnovatsııalyq qyzmetti memlekettik qoldaý júıesin jetildirý úshin ázirlendi. Zań jobasy «Innovatsııalyq tehnologııalar parki» klasterlik qoryn jáne Astana Hub tehnoparkin biriktirýge, sondaı-aq onyń qatysýshylary úshin biryńǵaı quqyqtyq alań qurýǵa, venchýrlyq qorlardy qarjylandyrý kezinde konkýrstyq irikteýdi ári tıimdilikti baǵalaýdy qamtamasyz etýge baǵyttalǵan. Osy oraıda Májilistiń Ekonomıkalyq reforma jáne óńirlik damý komıteti bul zań jobasy boıynsha qorytyndy ázirleýge daıyn», - dedi Nurtaı Sabılıanov Májilistiń jalpy otyrysynda.

Budan buryn Astana Hub tehnoparki Innovatsııalyq tehnologııalar parkimen biriktiriletini habarlanǵan edi.