Májilis Astana, Almaty, Shymkent qalalarynyń kóshi-qonyn retteıtin zań jobasyn maquldady

ASTANA. KAZINFORM – Májilis Astana, Almaty, Shymkent qalalarynyń kóshi-qonyn retteıtin zań jobasyn birinshi oqylymda maquldady.

Zań jobasy astana men respýblıkalyq mańyzy bar qalalardyń áleýmettik-ekonomıkalyq damý máselelerin sheshýge baǵyttalǵan. Qujatta mynandaı normalar bar:

-astanada jáne respýblıkalyq mańyzy bar qalalarda biryńǵaı dızaın-kod engizý, 
- kóshedegi qoǵamdyq oryndarda aýdıo jarnamaǵa, jol boıynda syrtqy jarnama ilýge tyıym salý;
-astanada kóshi-qondy retteý tetikterin jetildirý.

Zań jobasynda Jer kodeksine, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly», «Qazaqstan Respýblıkasy astanasynyń mártebesi týraly», «Jarnama týraly», «Halyqtyń kóshi-qony týraly», «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» jáne «Turǵyn úı qurylysyna úlestik qatysý týraly» zańdarǵa ózgerister engizý usynylady.

Eske salsaq, Almatyda dúńgirshekten turǵyndardyń ashýyna tıgen jazýy alynyp tastalǵan bolatyn.