Májilis Alataý qalasynyń arnaýly mártebesi týraly qujat jobasyn qaraıdy
ASTANA. KAZINFORM — Parlament Májilisi «Alataý qalasynyń arnaýly mártebesi týraly» Konstıtýtsııalyq zańynyń jobasyn talqylaýǵa qabyldady.
— Bul Konstıtýtsııalyq zańnyń jobasy Memleket basshysynyń 2025 jylǵy 8 qyrkúıektegi Qazaqstan halqyna Joldaýyn iske asyrý maqsatynda ázirlendi. Zań jobasy Alataý qalasynyń ekonomıkalyq, tenhnologııalyq, ǵylymı bilim berý, saýda jáne ınvestıtsııalyq ortalyq retinde qalyptasýyna jaǵdaı jasaýǵa baǵyttalǵan, — dedi depýtat Nurtaı Sabılıanov Májilistiń jalpy otyrysynda.
Sonymen qatar qujat jobasy Alataý qalasyn damytýǵa salynatyn ınvestıtsııalardyń kepildikteri men quqyqtyq qorǵalýyn arttyrýǵa, «aqyldy qala» qurý jáne Alataýdyń ekonomıkalyq damýy maqsatynda ǵylym men tehnıkanyń ozyq jetistikterin, tehnologııalyq ınnovatsııalardy, zamanaýı tásilder men tájirıbelerdi qoldanýǵa arnalǵan.
— Zań jobasy 5 taraýdan, 65 baptan turady. Osyǵan oraı Májilistiń Ekonomıkalyq reforma jáne óńirlik damý komıteti Qazaqstan Parlamenttiniń reglamentine sáıkes qaraýǵa daıyn, — dedi N. Sabılıanov.
Eske salsaq, Memleket basshysy Qasym-Jomart Toqaev Alataý qalasyna arnaıy quqyqtyq mártebe berýdi júktedi.
