Májilis aqparatqa qol jetkizý salasynda Senat engizgen túzetýlermen kelisti
ASTANA. KAZINFORM – Búgin Májilistiń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine aqparatqa qol jetkizý, qoǵamdyq qatysý, memlekettik nagradalar jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» Zańyna Senat engizgen túzetýlermen kelisti.
- Májilistiń Áleýmettik-mádenı damý komıteti atalǵan zańnyń jekelegen baptaryna QR Parlamenti Senaty jańa redaktsııada usynǵan tolyqtyrýlardy qarap shyǵyp, mynalardy atap ótedi. Senat depýtattary aqparatqa qol jetkizý salasynda memlekettik baqylaý júrgizý kezinde tekserýshi memlekettik organnyń quqyqtary men mindetterin, sondaı-aq jospardan tys tekserý taǵaıyndaý kezinde jańa negiz - qylmystyq qýdalaý organdarynyń tapsyrmasyn belgileýdi usyndy. Usynylǵan tolyqtyrýlar Parlament Májilisi qabyldaǵan Zańnyń tujyrymdamasyn ózgertpeıdi jáne onyń mazmunyn nasharlatpaıdy. Osyǵan baılanysty Májilistiń Áleýmettik-mádenı damý komıteti Senat jańa redaktsııada engizgen «Qazaqstan Respýblıkasynyń keıbir zańnamalyq aktilerine aqparatqa qol jetkizý, qoǵamdyq qatysý, memlekettik nagradalar jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» Zańnyń jekelegen baptaryna tolyqtyrýlarmen kelisýdi usynady, - dedi Májilis depýtaty Erlan Saırov.
Jalpy otyrys kezinde palata depýtattary bul usynysqa qoldaý bildirdi.
Eske salsaq, bıyl 5 jeltoqsanda Senat atalǵan zańdy eki oqylymda qarady. Senat zańnyń jekelegen baptaryn jańa redaktsııada usynyp, ony Májiliske qaıtarǵan edi.
