Májıt Begalınniń «Artymyzda Moskva» fılmi VIII halyqaralyq «Lýchezarnyı angel» kınofestıvalinde kórsetiletin bolady
ALMATY. 28 qazan. QazAqparat /Názıra Eleýhan/ - Rejısser Májıt Begalınniń «Artymyzda Moskva» fılmi Máskeýde qarasha aıynyń 1-8 aralyǵynda ótetin VIII halyqaralyq «Lýchezarnyı angel» qaıyrymdylyq kınofestıvalinde kórsetiletin bolady.
Esterińizge sala ketsek, fılm dańqty qolbasshy Baýyrjan Momyshulynyń 1941 jyly Máskeý túbinde shaıqasqan panfılovshylar dıvızııasyna arnaǵan kitaby men materıaldary boıynsha túsirilgen bolatyn.
Kınofestıvalge Reseı, AQSh, Germanııa, Kıpr, Frantsııa, Portýgalııa, Grekııa, Slovenııa, Qazaqstan jáne t.b elderdiń kınotýyndylary qatysatyn bolady. Usynylǵan 245 kınokartınalardyń tek 60-y ǵana baıqaý baǵdarlamasyna ótken. Kınofestıvaldiń qorytyndysy 8 qarasha kúni, sharanyń saltanatty jabylýynda belgili bolady.
