Májilistiń jumys tobynda memlekettik rámizder týraly zańǵa engizilgen ózgerister talqylandy
ASTANA. 9 aqpan. QazAqparat - Búgin Parlament Májilisinde «Qazaqstan Respýblıkasynyń memlekettik rámizderi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrý engizý týraly» jáne «Qazaqstan Respýblıkasynyń keıbir zańnamalyq aktilerine memlekettik rámizder máseleleri boıynsha ózgerister men tolyqtyrýlar engizý týraly» zań jobalary jónindegi jumys tobynyń otyrysy ótti.
Esterińizge sala keteıik, palata atalmysh zań jobasyn ótken aptadaǵy jalpy otyrysta óndiriske alǵan bolatyn.
Jumys tobynyń otyrysy barysynda depýtat Maıra Aısına memlekettik rámizderdiń memlekettik qurylystaǵy, eldik ıdeologııadaǵy, jastardy patrıottyq tárbıe baǵytyndaǵy róline toqtala kele, memleket rámizderiniń Qazaqstan Táýelsizdiginiń ajyramas atrıbýttary ekendigin atap ótti. Sondaı-aq depýtat aldaǵy jumystarǵa sáttilik tiledi.
Zań jobasyna qatysty Úkimettiń bergen qorytyndysynda Qazaqstan Respýblıkasynyń Memlekettik Týy men Eltańbasyn, sondaı-aq olar beınelenetin materıaldyq buıymdardy jasap shyǵarý qyzmetinen lıtsenzııalaýdy alyp tastaý týraly usynys qarastyrylǵan. «Óıtkeni bundaı lıtsenzııalaý joly arqyly memlekettik rámizderdiń belgilengen standarttaryn saqtaý jáne memlekettik nyshandarǵa qurmet bildirý sekildi maqsattarǵa qol jetkizilmeıdi», delingen Úkimet qorytyndysynda.
Zań jobasymen jumys jalǵasyp, qujat jumys toby sheńberinde budan ári de talqyǵa túsetin bolady.
