Májilistiń jumys toby Magıstraldyq qubyrlarǵa qatysty zań jobasyn qaraıdy
ASTANA. 12 mamyr. QazAqparat - Dúısenbi, 14 mamyr kúni Parlament Májilisinde «Magıstraldyq qubyr týraly» jáne
«Qazaqstan Respýblıkasynyń keıbir zańnamalyq aktilerine magıstraldyq qubyr máseleleri boıynsha ózgerister men tolyqtyrýlar engizý týraly» zań jobalary boıynsha qurylǵan jumys tobynyń alǵashqy otyrysy ótedi.
Jumys tobyna Ekologııa máseleleri jáne tabıǵat paıdalaný komıtetiniń múshesi Ahmet Muradov jetekshilik etedi.
Zań jobasy magıstraldyq munaı jáne gaz qubyrlaryn salý, konservatsııalaý jáne joıý kezinde týyndaıtyn qoǵamdyq qatynastardy retteýge, sondaı-aq magıstraldyq qubyrlardyń tıimdi, senimdi jáne qaýipsiz jumys isteýin qamtamasyz etýge baǵyttalǵan.
