Májilistiń jumys aptasy zań jobalaryn talqylaýǵa arnalǵan

dep habarlaıdy QazAqparat.

Qarashanyń 2-si men 6-sy aralyǵyndaǵy Parlament Májilisiniń aptalyq jospary Úkimet saǵatynda bastalady. Dúısenbi kúni Májiliste «Daǵdarysqa qarsy sharalardy iske asyrý jáne energııany únemdeý týraly»  taqyryp boıynsha Úkimet saǵatynda QR Tabıǵı   monopolııalardy retteý agenttiginiń tóraǵasy  Nurlan Aldabergenov baıandama jasaıtyny josparlanǵan.

Qarashanyń 2-si kúni tústen keıin Májilistiń Áleýmettik-mádenı damý komıtetinde jumys tobynyń keńeıtilgen otyrysy ótedi. Onda «Bilim týraly» zańǵa engiziletin tolyqtyrýlar talqyǵa salynbaqshy.

Májilistiń Zańnama jáne sot-quqyqtyq reforma komıtetiniń jumys tobynyń otyrysynda bilikti zań kómegin qamtamasyz etýdi kózdeıtin zań jobasy qaralady. Sondaı-aq osy komıtettiń jumys toby «Atqarýshylyq is júrgizý jáne sot oryndaýshylarynyń mártebesi týraly» jáne soǵan sáıkes birqatar zańdarǵa túzetý engizýdi qarastyratyn zań jobasyn talqyǵa salady.

Osy kúni Májilistiń Ekologııa máseleleri jáne tabıǵat paıdalaný komıtetinde qurylǵan jumys toby «Energııa únemdeý týraly» jáne «Qazaqstan Respýblıkasynyń  keıbir zańnamalyq  aktilerine  energııa únemdeý máseleleri boıynsha tolyqtyrýlar engizý týraly» zań jobalaryn qaraýdy odan ári jalǵastyrady.

Seısenbi, beısenbi jáne juma kúnderi Palatanyń barlyq salalyq komıtetterinde qurylǵan jumys toptarynda birqatar zań jobalary talqylanady.

Qarashanyń 4-i, sársenbi kúni, Májilistiń jalpy otyrysy ótedi dep josparlanǵan.

Juma, qarashanyń 6-sy kúni, Májilis Bıýrosynyń otyrysy ótetini belgilengen.