Májilistiń jumys aptasy bekitildi
ASTANA. Qazannyń 24-i. QazAqparat /Aıdyn Báımen/ - Qazannyń 26-sy men 30-y aralyǵyndaǵy Parlament Májilisiniń aptalyq jospary bekitildi,
dep habarlaıdy QazAqparat.
Qazannyń 26-sy, dúısenbi kúni Májilistiń Zańnama jáne sot-quqyqtyq reforma komıtetiniń jumys tobynyń otyrysynda sybaılas jemqorlyqqa jáne kóleńkeli ekonomıkaǵa qarsy kúresti odan ári kúsheıtýdi kózdeıtin zań jobasy qaralady. Sondaı-aq osy komıtettiń jumys toby «Atqarýshylyq is júrgizý jáne sot oryndaýshylarynyń mártebesi týraly» jáne soǵan sáıkes birqatar zańdarǵa túzetý engizýdi qarastyratyn zań jobasyn talqyǵa salady.
Osy kúni Májilistiń Ekologııa máseleleri jáne tabıǵat paıdalaný komıtetinde qurylǵan jumys toby «Energııa únemdeý týraly» jáne «Qazaqstan Respýblıkasynyń keıbir zańnamalyq aktilerine energııa únemdeý máseleleri boıynsha tolyqtyrýlar engizý týraly» zań jobalaryn qaraýdy odan ári jalǵastyrady.
Seısenbi, beısenbi jáne juma kúnderi Palatanyń barlyq salalyq komıtetterinde qurylǵan jumys toptarynda birqatar zań jobalary talqylanady.
Qazannyń 28-i, sársenbi kúni Májilistiń jalpy otyrysy ótedi dep josparlanǵan. Al juma, qazannyń 30-y kúni Májilis Bıýrosynyń otyrysy ótetini belgilenip otyr.
