Májilistiń jańa jyldaǵy alǵashqy jalpy otyrysy ótedi
ASTANA. 8 qańtar. QazAqparat - Erteń QR Parlamenti Májilisi óziniń jańa jyldaǵy alǵashqy jalpy otyrysyn ótkizedi dep josparlanýda. Osyǵan oraı, Palata Bıýrosynyń usynýymen bas qosýdyń kún tártibine birqatar zań jobalary shyǵarylyp otyr. Bul týraly Májilistiń baspasóz qyzmetinen habarlandy.
Kún tártibine sáıkes, palata depýtattary birqatar zań jobalaryn óndiriske alyp, olarǵa qorytyndy shyǵarý merzimderin belgileıtin bolady. Ondaı qujattardyń arasynda «Jańartylatyn energııa jónindegi halyqaralyq agenttiktiń (IRENA) Jarǵysyn ratıfıkatsııalaý týraly» jáne «Qazaqstan Respýblıkasynyń keıbir zańnamalyq aktilerine qaıta qurylymdaýdy júzege asyrǵan ekinshi deńgeıdegi bankterdi odan ári damytý máselesi boıynsha ózgerister men tolyqtyrýlar engizý týraly» zań jobalary bar.
Sonymen qatar, palata depýtattary «Jeke basty kýálandyratyn qujattar týraly» zań jobasyna Senat engizgen ózgeristerdi talqylaıtyn bolady. Budan bólek, Qazaqstan men Azııa Damý Banki arasyndaǵy Qaryz týraly kelisim palatanyń talqysyna túsedi. «Batys Eýropa - Batys Qytaı» halyqaralyq tranzıt dálizin qarjylandyrýǵa arnalǵan zań jobasy týraly Kólik jáne kommýnıkatsııa vıtse-mınıstri Roman Sklıar baıandama jasaıdy dep kútiledi.
