Májilistiń jalpy otyrysynyń online rejıminde ótýi depýtattar jumysynyń ashyqtyǵyna yqpal etedi - N. Nyǵmatýlın
ASTANA. 30 mamyr. QazAqparat - Májilistiń jalpy otyrysy Parlament tarıhynda alǵash ret óz jumysyn onlaın rejıminde bastady.
Bul týraly Parlament Májilisiniń baspasóz qyzmeti habarlady.
Otyrysty ashqan Palata Tóraǵasy Nurlan Nyǵmatýlın jańa jumys sıpatynyń mańyzdylyǵy men qajettiligine toqtaldy.
- Búginnen bastap jalpy otyrys ǵalamtorda tikeleı baılanys arqyly ótetin bolady. Sondyqtan, árbir adam Parlamenttiń resmı saıtyna kirip, jedel aqparat kózinen qandaı zań jobalary qaralyp, depýtattar men zań jobalaryn ázirleýshiler arasynda qandaı pikirtalastar bolyp jatqanyn sol jerde biletin bolady. Bul Májilis jumysynyń burynǵydan da ashyqtyǵyn jáne qolaılylyǵyn qamtamasyz etedi, - dedi Nurlan Nyǵmatýlın.
Al, halyq qalaýlylarynyń jumysymen etene tanysyp, memleketimiz úshin mańyzdy sheshimderdiń qabyldaný sátine kýá bolǵysy kelgen kez-kelgen azamat www.parlam.kz . saıtyna kirip, tolyq aqparat alýyna bolady.
Májiliste árbir sársenbi saıyn ótetin jalpy otyrysty onlaın arqyly taratý tańǵy saǵat 10-da otyrys jumysy bastalǵannan, sońyna deıin jalǵasady.
