Májilistiń jalpy otyrysynyń kún tártibi jobasyna 22 másele engizilip otyr
ASTANA. Qarashanyń 10-y. QazAqparat /Aıdyn Báımen/ - Erteń, qarashanyń 11-i kúni Parlament Májilisiniń jalpy otyrysy ótedi. Kún tártibi jobasyna 22 másele engizilip otyr,
dep habarlaıdy QazAqparat.
Depýtattar birinshi kezekte laýazym ıelerine saýaldar joldaıdy dep kútilýde.
Jalpy otyrysta «Bosqyndar týraly» jáne soǵan sáıkes keıbir zańnamalyq aktilerge ózgerister engizýdi kózdeıtin zań jobalary birinshi oqylymda talqyǵa salynady. Sonymen qatar, zańdarǵa qazaqstandyq qamtý, memlekettik materıaldyq rezerv máseleleri boıynsha túzetý engiziletin jobalar da depýtattar talqysyna usynylatyn boldy.
Sol sekildi kún tártibi jobasyna «Táýelsiz Memleketter Dostastyǵyna qatysýshy memleketterdiń eńbekshi-mıgranttary men olardyń otbasy músheleriniń quqyqtyq mártebesi týraly konventsııany ratıfıkatsııalaý týraly» jáne basqa da zań jobalary engizilip otyr.
