Májilistiń jalpy otyrysynda úsh mınıstr baıandama jasaıdy
ASTANA. Aqpannyń 16-sy. QazAqparat - Erteń, aqpannyń 17-si kúni ótetin Májilistiń jalpy otyrysyna Úkimettiń úsh múshesi keledi,
dep habarlaıdy QazAqparat.
QR Ekonomıka jáne bıýdjettik josparlaý mınıstri Baqyt Sultanov «Qazaqstan Respýblıkasynyń keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly» zań jobasy týraly baıandama jasaıdy. Bul zań joba birinshi oqylymda talqyǵa túsedi.
Sonymen qatar QR Ekonomıka jáne bıýdjettik josparlaý mınıstri «Jumyldyrý daıyndyǵy men jumyldyrý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy boıynsha da túsinik beredi.
Osy kúni depýtattar QR Kólik jáne kommýnıkatsııa mınıstri Ábilǵazy Qusaıynovtyń baıandamasyn tyńdaıdy. Ol «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (Jaı operatsııalar) (OAÓEY 1 kólik dálizi [Jambyl oblysyndaǵy ýchaskeler][«Batys Eýropa - Batys Qytaı» halyqaralyq tranzıt dálizi] Investıtsııalyq baǵdarlama - 2-joba) ratıfıkatsııalaý týraly» zań jobasynyń maqsaty týraly túsindiredi. Sondaı-aq QR Energetıka jáne mıneraldyq resýrstar mınıstri Saýat Myńbaev «Jer qoınaýy jáne jer qoınaýyn paıdalaný týraly» zań jobasynyń mańyzyn alǵa tartady.
Jalpy otyrysta birqatar zań jobalaryna Parlament Senaty engizgen túzetýler men ózgerister, Úkimetten jýyrda kelip túsken jańa zań jobalaryn óndiriske alý máselesi de qaralady.
