Májilistiń jalpy otyrysynda QR Premer-Mınıstri laýazymyna kandıdatýra talqylanyp jatyr

NUR-SULTAN. QazAqparat – Búgin Parlament Májilisiniń jalpy otyrysynda QR Premer-Mınıstri laýazymyna Álıhan Smaıylovtyń kandıdatýrasy talqylanyp jatyr, dep habarlaıdy QazAqparat tilshisi.

«Búgin Májilistiń jalpy otyrysyna Qazaqstan Prezıdenti Qasym-Jomart Kemeluly Toqaev qatysyp otyr. Sonymen qatar, Prezıdent Ákimshiliginiń basshylyǵy, Respýblıka Prezıdentine tikeleı baǵynatyn jáne esep beretin memlekettik organdardyń basshylary, Premer-Mınıstrdiń, onyń orynbasarlarynyń mindetin atqarýshylar, oblystardyń jáne Nur-Sultan, Almaty, Shymkent qalalalarynyń ákimderi qatysyp otyr. Konstıtýtsııamyzdyń 44-babynyń úshinshi tarmaqshasyna sáıkes, Memleket basshysy Premer-Mınıstrdiń kandıdatýrasy boıynsha Májilistegi saıası partııalyq fraktsııalarmen konsýltatsııa ótkizdi. Endi Prezıdent Premer-Mınıstrdi taǵaıyndaýǵa palatanyń kelisimin alýy úshin tıisti usynys Májiliske engizildi», - dedi Májilis tóraǵasy Nurlan Nyǵmatýlın.

Budan buryn habarlanǵandaı, Memleket basshysy Qasym-Jomart Toqaev QR Premer-Mınıstrń laýazymyna Álıhan Smaıylovtyń kandıdatýrasyn usyndy.