Májilistiń jalpy otyrysynda Qazaqstan men Qytaı arasyndaǵy Qorǵas ózeninde «Dostyq» sý torabyn salý týraly kelisim jáne basqa da zań jobalary qaralmaq
ASTANA. QazAqparat - Palata spıkeri Nurlan Nyǵmatýlınniń tóraǵalyǵymen ótken Májilis bıýrosynda jalpy otyrysta qaralatyn máseleler belgilendi, dep habarlady Májilistiń baspasóz qyzmeti.
Depýtattardyń qaraýyna birinshi oqylymǵa qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha zańnamaǵa engiziletin jańalyqtar shyǵarylady. Al, Palataǵa ekinshi oqylymǵa Ákimshilik quqyq buzýshylyq týraly kodeksine ózgerister engizý usynylyp otyr.
Jalpy otyrysqa ratıfıkatsııalanatyn birqatar zań jobalary talqylaýǵa usyndy. Olar: 1928 jylǵy 22 qarashadaǵy Halyqaralyq kórmeler týraly Konventsııa; 2008 jylǵy 12 jeltoqsandaǵy Tarıftik kvotalardy qoldanýdyń sharttary men tetigi týraly Kelisim; 1999 jylǵy 3 jeltoqsanda, Pekınde qabyldanǵan Ozon jónindegi Monreal Hattamasy; Qazaqstan men Qytaı arasyndaǵy Qorǵas ózeninde «Dostyq» sý torabyn salý týraly Kelisimder bar.
«Jol júrisi týraly» zań jobasyna Senattyń túzetýleri de kún tártibiniń jobasyna qosylyp otyr.
