Májilistiń jalpy otyrysynda qaralatyn máseleler anyqtaldy
TANA. 21 qazan. QazAqparat - Búgin QR Parlamenti Májilisiniń tóraǵasy Oral Muhamedjanovtyń jetekshiligimen Palata Bıýrosynyń otyrysy ótti. Onda aldaǵy aptada Májilistiń jalpy otyrysyna shyǵarylatyn máseleler sarapqa salyndy, dep habarlaıdy Májilistiń Baspasóz qyzmeti.
Palatanyń Zańnama jáne sot-quqyqtyq reforma komıteti «Qazaqstan Respýblıkasy Táýelsizdiginiń 20 jyldyǵyna baılanysty raqymshylyq jasaý týraly», sondaı-aq keıbir zańnamalyq aktilerine zııatkerlik menshikti damytý men qorǵaý tetikterin jetildirý máseleleri boıynsha zań jobasy birinshi oqylymda, al «Qazaqstan Respýblıkasynyń keıbir zańnamalyq aktilerine advokatýra máseleleri boıynsha ózgerister men tolyqtyrýlar engizý týraly» zań jobasy ekinshi oqylymda depýtattardyń talqysyna shyǵarylatynyn habarlady.
Halyqaralyq ister, qorǵanys jáne qaýipsizdik komıteti «Azııadaǵy ózara is-qımyl jáne senim sharalary jónindegi keńesi Hatshylyǵynyń, onyń personalynyń jáne múshe memleketteri ókilderiniń artyqshylyqtary men ımmýnıtetteri týraly konventsııany ratıfıkatsııalaý týraly», «1992 jylǵy 15 mamyrdaǵy Ujymdyq qaýipsizdik týraly shartqa ózgerister engizý týraly hattamany ratıfıkatsııalaý týraly», «2002 jylǵy 7 qazandaǵy Ujymdyq qaýipsizdik týraly shart uıymynyń Jarǵysyna ózgerister engizý týraly Hattamany ratıfıkatsııalaý týraly», «Kópjaqty saýda júıesi sheńberinde Keden odaǵynyń jumys isteýi týraly shartty ratıfıkatsııalaý týraly», «Qazaqstan Respýblıkasy Úkimeti men Serbııa Respýblıkasy Úkimeti arasyndaǵy erkin saýda týraly kelisimdi ratıfıkatsııalaý týraly», «Eýrazııalyq ekonomıkalyq qoǵamdastyqta agroónerkásiptik keshenderde paıdalanylatyn aýyl sharýashylyǵy tehnıkasynyń, mashınalarynyń, tetikteriniń, jabdyqtary men kólik quraldarynyń halyqaralyq lızıngin damytý týraly kelisimdi ratıfıkatsııalaý týraly» zań jobalaryn jalpy otyrystyń kún tártibine engizýdi usyndy.
Qarjy jáne bıýdjet komıteti keıbir zańnamalyq aktilerine valıýtalyq retteý jáne valıýtalyq baqylaý máseleleri boıynsha túzetýler engizý týraly, al Ekonomıkalyq reforma jáne óńirlik damý komıteti«Ǵarysh qyzmeti týraly»zań jobasyn jáne soǵan oraı ilespe zań jobasyn ekinshi oqylymda talqylaýǵa usynyp otyr.
Úkimetten Májiliske kelip túsken jańa zań jobalary boıynsha qorytyndy ázirleý máselesi qaralatyn boldy. Ekologııalyq máseleler jáne de «Neke (erli-zaıyptylyq) jáne otbasy týraly» Kodeksiniń jobasyna Senat engizgen ózgerister men tolyqtyrýlar da Májilistiń jalpy otyrysynyń kún tártibine shyǵarylady. Bıýro otyrysynda Májilistiń zań shyǵarmashylyq isine qatysty basqa da máseleler qaraldy.
