Májilistiń jalpy otyrysynda halyqaralyq mańyzdy kelisimderdi bekitýdi kózdeıtin zań jobalary talqyǵa túsedi
ASTANA. 25 qańtar. QazAqparat - Erteń, Májilistiń jalpy otyrysy ótedi. Depýtattar talqysyna negizinen halyqaralyq mańyzdy kelisimderdi bekitýdi kózdeıtin zań jobalary usynylady.
Jalpy otyrysta «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Qazaqstan Respýblıkasynyń Qyrǵyz Respýblıkasyndaǵy Elshiliginiń jáne Qyrǵyz Respýblıkasynyń Qazaqstan Respýblıkasyndaǵy Elshiliginiń qajetteri úshin Astana qalasy men Bishkek qalasynda ǵımarattar men jer ýchaskelerin ótemsiz paıdalanýǵa ózara berý týraly kelisimdi ratıfıkatsııalaý týraly» zań jobasy talqyǵa salynady. Ol boıynsha QR Syrtqy ister mınıstrliginiń jaýapty hatshysy Rápil Joshybaev baıandama jasaıdy.
QR Іshki ister mınıstriniń orynbasary Amantaı Kúreńbekov «Venada 1968 jylǵy 8 qarashada qol qoıý úshin ashyq Jol belgileri men sıgnaldary týraly konventsııany tolyqtyratyn Eýropalyq kelisimdi ratıfıkatsııalaý týraly» jáne «Venada 1968 jylǵy 8 qarashada qol qoıý úshin ashyq Jol belgileri men sıgnaldary týraly konventsııany tolyqtyratyn Eýropalyq kelisimge Jol tańbalary týraly hattamany ratıfıkatsııalaý týraly» zań jobasy boıynsha baıandama jasaıdy dep kútilip otyr.
Sondaı-aq QR QR Aýyl sharýashylyǵy mınıstri Aqylbek Kúrishbaev parlamentshiler aldynda sóz sóıleıdi, ol eki zań jobasy boıynsha túsinik beredi. Atap aıtqanda, «2009 jylǵy 11 jeltoqsandaǵy Keden odaǵynyń veterınarlyq-sanıtarlyq sharalar jónindegi kelisimine ózgerister engizý týraly hattamany ratıfıkatsııalaý týraly» zań jobalary talqyǵa salynady.
Sonymen birge jalpy otyrysta basqa da zań jobalary qaralady.
