Májilistiń jalpy otyrysynda depýtattar jańa zań jobalaryn qolǵa alady
ASTANA. 31 qańtar. QazAqparat - Aqpan aıynyń alǵashqy kúni V shaqyrylymdaǵy kóppartııaly Májilistiń jalpy otyrysy ótedi, dep habarlaıdy Májilistiń baspasóz qyzmeti.
Palata Bıýrosynyń sheshimine sáıkes qalyptastyrylǵan kún tártibinde birqatar zań jobasy boıynsha qorytyndy ázirleý merzimderi anyqtalyp, salalyq komıtetterge bólinýi kózdelip otyr. Úkimetten kelip túsken jańa zań jobalaryn qaraý merzimi týraly tórt komıtettiń jetekshisi túsinik beredi dep kútilýde.
Zańnama jáne sot-quqyqtyq reforma komıtetiniń tóraǵasy Rahmet Muqashev keıbir zańnamalyq aktilerge Qazaqstan Respýblıkasy Konstıtýtsııasynyń 78-inshi babyn iske asyrý máseleleri boıynsha ózgerister men tolyqtyrýlar engizý týraly, «Jeke basty kýálandyratyn qujattar týraly», «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» zań jobalary boıynsha baıandap beredi.
Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev túsinik beretin zańnamalyq aktilerdiń ishinde «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Saýda ókildikterin ózara qurý týraly kelisimdi ratıfıkatsııalaý týraly», «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Saýda ókildikterinińbólimshelerin ashý týraly kelisimdi ratıfıkatsııalaý týraly»,«Qazaqstan Respýblıkasynyń keıbir zańnamalyq aktilerine shıfrlyq baılanys máseleleri boıynsha ózgerister men tolyqtyrýlar engizý týraly» zań jobalary bar.
Sondaı-aq jalpy otyrysta Áleýmettik-mádenı damý komıtetiniń tóraıymy Darıǵa Nazarbaevanyń «Qazaqstan Respýblıkasynyń memlekettik rámizderi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrý engizý týraly» zań jobasyna qatysty usynysy tyńdalyp, soǵan sáıkes Palatanyń qaýlysy qabyldanady dep josparlanýda.
Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetovtiń elimizdiń keıbir zańnamalyq aktilerine tehnıkalyq retteý jáne metrologııa máseleleri boıynsha túzetýler engizý týraly, «Qazaqstan Respýblıkasynyń keıbir zańnamalyq aktilerine elektr energetıkasy, tabıǵı monopolııalar men retteletin naryq sýbektileriniń ınvestıtsııalyq qyzmeti máseleleri boıynsha tolyqtyrýlar men ózgerister engizý týraly», «Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobalary boıynsha túsindirme jasaıtyny kózdelýde.
Jalpy otyrystyń kún tártibi basqa da máselelermen tolyqtyrylýy yqtımal.
